實情是上次看完私家醫生知道胎盤不夠高之後, 又會想, 如果開刀就好, 聽聞好像沒那麼痛...
剛過去的星期一QE安排了我再照超聲波, 最後小b是選了「自己出來」而不是「被人叫醒」, 胎盤好像升高了少許, 但關鍵是他的頭仔位置已越過了胎盤, 我可以順產了﹗但也代表不知何時何刻小b心血來潮要出世時就會走出來, 也代表我要不知何時何刻迎接這份「喜悅的痛」﹗所以, 自確定不會開刀後, 我便開始做心理準備及生理準備(本來一早有心理準備要順產, 怎料臨尾搞一搞又有少少想縮沙...
)~ 心理準備嘛, 去QE聽Talk, 助產士說得好, 就是「要welcome這種痛, 因為如你的子宮不收縮, 小b是不會自己爬出來的」, 原來要我痛小b才可以出來... 小b總不成一世留在我的肚子吧 (what a crazy thought!! hahahah...), 所以痛就痛吧~~~
生理準備嘛, 就是由星期一起, 每晚我都在家用fitball做運動至少30分鐘, 真的從未如此積極過!! 希望生產時能減輕痛楚及縮短產程~~ 第一晚坐完fitball, 腰骨及肚子下方在半夜時一陣一陣的痛, 當時我差點以為自己是陣痛! 現在回想起來, 可能是久未運動所以有此情況吧, 但做了這幾晚以後, 腰肢明顯沒第一晚累, 而且下身也像靈活了!! 真的要持之以恆!!
而最近這兩次回QE覆診, 醫生都要我抽血~ 第一次是因為我曾經在街上暈眩, 所以醫生要驗我血色素; 第二次就是因為第一次的驗血結果顯示我的血色素偏低兼擲界, 所以醫生又要我再抽血檢驗~~ 其實貧血這情況我一早就知, 也不是今時今日才發生的事, 希望不會影響生產過程就好~~ 至於這對小b的影響...可說是沒有!! 他真的很強勁!! 我現在的肚圍只有36", 到現時為止總共才重了18磅, 但小b竟是一個中碼b, 已經重5磅4安士了~~ 所以醫生怕小b太「扯」我的營養我會「頂唔順」, 於是又再要我驗血~~~
還有一個星期小b就滿37周了, 我還是希望他乖乖留在肚子內多一點時候, 養肥少少, 6磅多就good fit!! 也好讓我這個新任媽媽完成公司的東東開始放產假悠悠閒閒地迎接小b的來臨~~
時間過得真係快。。。。
ReplyDelete[版主回覆05/11/2012 17:05:42]係ar~~~ 你去廿幾日南美我都覺得好快...呢頭知你去眨下眼又返左黎...
仲有無痕呀你？
加油呀~~~ 預祝一切順利、平安、健康！
ReplyDelete[版主回覆05/11/2012 23:16:45]thx a lot, josephine!! ^^
話咁快就9個月LU~ 我而家32WK, 都係36"肚, 好多人都話我個肚細, 咁你咪仲細過我?!
ReplyDelete我近排成日覺得TAREBABY o係我個肚入面應該覺得好迫, 因為佢成日都頂左出黎咁. 之前一路CHECK 佢既SIZE 都係岩週數的, 所以如果我個肚大得唔夠佢快, 佢就會越住越迫咁, HEHEHEHEHEHHE~
[版主回覆05/11/2012 23:25:07]我諗我同你情況好似呀~~ 上個星期都仲係35"架... 我都怕佢唔夠住, 咪叫佢唔夠住就自己撐大佢啦, hahahah.... 我呢個blog post咪話有一晚個肚痛似陣痛既, 之後個肚就大左一寸啦~~ 可能佢果晚做左擴建工程~~ =p
最緊要檢查話你無問題就得啦, 肚細唔代表個b唔夠大架, 相反都係~~ 唔洗擔心!! ^^
快要到來了~~ 希望你到時一切順利, 加油~~
ReplyDelete[版主回覆05/14/2012 10:11:50]多謝你呀helen~~ =)
BB會乖乖係小草媽肚肚成長~
ReplyDelete[版主回覆05/14/2012 10:12:30]^^ thx cherry!!
你小b5磅4安士.......我now 35 week 小小bee已經5磅11安士........咁都係中碼b!!!
ReplyDelete[版主回覆05/14/2012 10:13:29]你個小小bee細我個b成個week, 重多過佢成半磅wor, 咁都係中碼?! 中碼個range咁闊架?? hahahahah...
我都有同感...........完成公司的東東開始放產假悠悠閒閒地迎接小b的來臨~~ [(day dreaming)] !!!
ReplyDelete[版主回覆05/14/2012 10:13:54]努力d, 實得既~~ ^^
小b其實好聽話~~胎盤慢慢回復正軌!!好想快d見你報喜ar!!!!見到bb到時咩痛都唔記得!!
ReplyDelete[版主回覆05/14/2012 10:15:15]^^ shanlung, 我希望我生緊果時都可以諗住就快見到bb, 快d唔記得d痛~~ =p
BB 好聽話丫，希望佢都聽聽話話足月先出黎^^
ReplyDelete[manchi回覆05/14/2012 13:26:00]對丫，我都怕返返下工佢要走出黎，所以我成日都同bb講，
佢準時出黎就好，唔好太快又唔好太耐~
[版主回覆05/14/2012 13:18:02]仲有幾日佢就足月, 應該無問題既~~ 再聽話d就等我開始放產假先出黎啦, 唔洗咁"呢hea"~~ =p
我相信小b一定會乖乖地等你ready先面世^^加油啊,我都好期待與小b見面啊
ReplyDelete[版主回覆05/15/2012 10:08:44]thx 雀!!! ^^ 之前睇過中醫, 佢話小b無早產跡象, 我諗佢都準既~ hahaha... 初初知道小b係男定女時, 個中醫同我把完脈就問我係唔係仔, 好堅!! 我話佢好厲害時, 佢仲要好謙咁答我話唔一定準架, 有d人把唔出黎架...咁~~~ 所以我都信小b唔會早產...hahahah.. 不過依家都係仲有幾日就足月嘞~~ =p
就快足月啦!! 記住盡量放鬆心情, 養肥bb 呀!!
ReplyDelete[Mrs. Sun回覆05/15/2012 18:21:50]同意真係要長期開冷氣, 我現在每日都要沖身 2,3 次, d 汗係禁滴由其事心口, 真係濕晒好難頂
[版主回覆05/15/2012 18:08:04]長期開冷氣應該都走唔甩... 我依家唔對住把風扇d汗都狂標!! 好難唔沖涼洗頭呀...咁污糟點樣湊阿b呀, 仲要埋身餵人奶wor....
[Mrs. Sun回覆05/15/2012 18:02:46]little bit la >< 盡量放鬆, 如果5係子宮好緊, 呀b好難出黎. 現在最驚坐月, 因現在天氣熱到爆d汗冇停過, 冇得沖涼洗頭好慘, 可能要長期開冷氣
[版主回覆05/15/2012 17:51:19]緊唔緊張呀？
[Mrs. Sun回覆05/15/2012 17:49:22]放咗一星期啦, 現在係屋企等生
[版主回覆05/15/2012 17:32:10]你係唔係放緊產假啦？=)
[版主回覆05/15/2012 17:31:28]係ar~ 其實過埋聽日就足月~~ =p
乖乖 聽媽咪話.......(小檬是6lbs 2~)
ReplyDelete祝你一切順利....relax就得架喇!
[版主回覆05/16/2012 15:34:42]Gen, 多謝你呀!! ^^