雖說打定輸數, 都想知結果嘛~~
上星期五黃昏時間, 很順手的reload一下yahoo的page, 有一封新郵件, 估計都是宣傳團購email, click入去見到subject title, 竟是面試結果通知... >.<
一看email第一句, 內容大意是: 感謝你對本園的支持blablabla...
即係唔收啦... 小草send email去reject申請人時也是先多謝人~~ XD
再睇清楚...
心跳加速兼有些少眼花, 我有無睇錯?!....
收左!! 仲要係1st choice上午班!! Thanks God!!
難以置信, 兼R爆頭...
即whatsapp陳老公... 陳老公話... 可能佢地睇中佢唔出聲喎.... XXDDD bu shi ma (國語來的...)~ ^^"
然後小草整個weekend都心情大好~~
原來真係阿仔面試得左, 仲開心過自己面試得左!! XXDDD
不過, 問題嚟嘞... 究竟點解會收佢呢...?!
要知道呢間幼稚園都係好多人的熱門選擇...
重溫一下小B的interview表現, 雖然小B有些指令做唔到, 但都不過不失...
亦曾聽過有情況是即使小朋友完成所有指令, 都是沒offer~
如此這般, 我想關鍵是家長吧! 小草可算是半個教育界人士, 明白處理一個麻煩家長要比處理一個頑皮學生吃力很多很多...
有幼稚園老師朋友教路, 麻煩家長的小朋友一定不收, 從眼神, 行為, 動作等便看到那家長是否麻煩類... 雖說這樣很主觀, 但如果家長第一印象都給人「惡搞」感覺, 老師真係會打折扣的~
小草帶小B面試當日就曾無緣無故被隔離家長凌厲眼神啤左一下... >.< 雖則係對手, 可否溫柔少少面帶笑容?!
還有, 面試時家長真係要忍下手, 唔好搶住答問題同搶住玩玩具... 唔係講笑, 真有其事...
又, 回想整個面試過程, 我相信小朋友面試時的情緒亦有影響~
小B雖做不到某些指令, 但基本上都肯聽從指令兼願意嘗試~ 即使老師阻止他拿包包蘋果, 又或重覆要他嘗試不喜歡砌的積木, 小B都情緒穩定, 十分愉快的(最多都是歎了口氣 XD), 甚至不止一次對著老師很燦爛的笑, 連老師都說他好得意...
就是類似這樣笑到見牙唔見眼的hyper燦爛笑容~ 但呢張佢明顯係chok俾阿媽影相... XD