初次網購@ZALORA

做左阿媽之後, 行街shopping既時間少左, 但買既野都係咁多!! 事關現今科技發達, 真係安坐家中/Office, 隨時隨地都可以shopping!

以前通常淘寶多, 最多就係買家品~ 衫褲鞋襪反而少買, 因為怕質量唔好, 最多都只係幫襯朋友介紹既舖頭, 但要睇岩都唔容易~ 而隨住人仔愈來愈貴, 依家淘寶亦無以前咁抵~

上年開始轉戰G-Market~ 都試過買幾次, 不過G-Market唔算user-friendly, 特別對於我呢D唔識韓文既人, 每次買野都要開個google translate, 估下估下咁, 都幾煩...

我份人又鍾意諗幾日先買... 但G-Market個bookmark每次log out之後就無左, 又要重新睇過! (唔知係唔係我唔識用啦...)

而且, 最大問題係, 唔岩無得退! 件貨有問題, 淘寶都仲有得同賣家追下~ 但G-Market真係雞同鴨講, 運費亦唔平, 件貨有問題無辦法之下都要硬食~ 唔岩size更加無得換~ 小草就試過將買大左既鞋送俾好友, 又試過將唔岩SIZE既legging俾左阿媽~ 仲有一件size錯左既衫唔知放係屋企做咩...

當然, G-Market都會買到好野既~ 小草就曾經買過兩件自己幾鍾意既大褸~~ 不過, 真係要睇彩數同有風險~ 同埋實左要花好多時間精神先買到心頭好~

早排睇到Tareworker既blog post, 先知道原來ZALORA除左有鞋賣之外, 仲有衫褲賣, 而且仲有韓風衣物賣~ 上左ZALORA網站八下八下又正諗住入手之際... ZALORA PR竟邀請小草試用佢地既網上購物服務! 小草當然卻之不恭啦~ ^^

其實幾年前都見到ZALORA呢個網站賣鞋~ 不過小草對腳一向"好麻煩", 好易刮腳而有D鞋款我亦著唔到, SIZE又要視乎鞋款, 有時著37, 有時著38, 所以都甚少上網買鞋(尤其是之前小試牛刀係G-Market買完但唔岩要搵人要...)~ 但原來ZALORA有得30日內免費退貨! 咁即係買完返黎真係唔岩SIZE都有得換啦~

自從做左阿媽都係著flat shoes多... 好在flats都有超多選擇~

呢D動物公仔鞋好可愛啊!!

可以ZOOM近睇details~

仲有清楚既尺碼指南, 唔使估估下...

俾$方式可以揀credit card, paypal或貨到付款~ 送貨就用順X果幾間大既速遞公司~買滿$150就可以免費送貨~ 運費唔使計住點樣買先抵~ 爽!!

我俾左個順豐站自取既地址佢... 咁... 唔使寄上公司俾同事知我又shopping嘛~ XXDDD

期待幾日後收貨!! ^^

***************************************************************

話咁快就收到貨！

打開鞋盒後，陳老公一睇就話對鞋靚！

再話埋俾佢聽對鞋只係$149 only, 佢即刻覺得抵到不得了！

對鞋質料好好, 真係無諗過只係百幾蚊~~~

試上腳都唔覺得刮腳, 只係... 緊左少少...

都話小草對腳好麻煩, 呢對係7號, 如果有7號半就應該最fit... 但又因鞋款而異... 所以都有諗過換大一個碼...

好在如果要換都好簡單~ 填好包裹裡面張表, 連埋件貨同包裝, 入返落包裹個袋, 原裝寄到付就得~

不過, 陳老公話怕我換大一個碼會太大, 我又攞屋企同類型既鞋出黎比對下, 的確, 鞋底既size係一樣, 如果換大左就真係太鬆嘞...

再加上... 其實我大住肚, 果晚對腳都脹脹地... >.<

估計著多幾次對鞋就應該good fit~~ 最後都係決定唔換嘞...

同場加映... 其實我仲買左件衫... 

質地幾好而且都岩身~ 當然, 同model著既效果圖梗係差好遠... 因為我多左個大肚... XD 所以唔著俾大家睇嘞~

總括黎講, 今次網購經驗好滿意!

睇怕會陸續有黎...... (其實我今次仲買左兩件韓風衣物正on the way...) =P

Soliel 17 oval~

Soliel色在美國發行已有一段日子, Soliel花花更是一眾LC fans的心水之一! 黃色一向是小草最喜歡的顏色, 當大家都說花花煲要粉紅淺紫, 小草偏偏鍾情黃的, 買了個dijon花花煲(當時還未有soliel呢~)~

到出了Soliel, 對小草這個yellow lover來說, 真的很吸引! 見到大家這麼喜歡soliel花花, 我也好高興!! (其實關我什麼事呢又?! XD)

於是從美國敗入了23cm方形焗盤, 後來又入了trivet, 還不夠, 最後(真的是最後了!)入了個17 oval!!

Size小得跟原子筆長度差不多~ XD

個人一向對煲上的"的"沒甚堅持, 銀"的"也好黑"的"也好~ 只是, 原來我忍受不了不合比例的"的"!

小小的煲蓋, 大大的黑"的"... 真係無咁大個煲, 唔好用咁大粒的!!! >.<

換了個小size銀"的", 靚仔哂~~ ^0^

新煲開光, 第一道煮的是...

登登登櫈....

白飯是也~~!! XXDDD

其實... 只是小草為了鍛鍊自己用LC煲飯的技巧, 所以又試試oval效果如何~ 似乎圓煲較易掌握啊~ 而且17 oval煮1.5杯米都已這樣滿, 很易滾瀉~

接著, 17 oval有另一個任務, 就是於陳老公的朋友來咱家作客時出勤~

當晚8個大人1個B, 小草弄了:
- 迷你沙律吧: 羅馬生菜, 車厘茄, 粟米, 三款醬汁 (其實都是現成的)
- 墨西哥脆片(半現成的, 小草自己弄了個guacamole)
- 南瓜湯
- 匈牙利牛肋條
- 蒜茸粉絲蒸大蝦
- 香烤雞翼
- 醉雞翼
- 雲呢拿慕士(陳老公弄的~ ^^)

用17來做醉雞翼, 共放了11隻, 滿滿的一小煲, 最方便是蓋上蓋就放入雪櫃醃過夜, 吃時直接上桌宴客又得體~

奇怪為什麼都沒照片?

客人一邊吃, 小草就一邊在廚房忙著, 都沒有時間拍照~

到食物全上桌了, 大家都清了一半~ XD 杯盤狼藉不好影啦~~ 再加上纏人的陳小B, 又要餵飯又要抱抱因為扭眼訓什麼的... 所以這8大1小史無前例的"壯觀"晚餐, 只有我跟陳老公見證囉~~

但說實話, 煮晚餐比下午茶輕鬆得多~~~~ (呵, 小草竟也可誇下海口說如此狂妄的話... XXDDD)

*                     *                    *
後記: 昨晚回家發現還有兩杯雲呢拿慕士~ 陳老公一手一腳弄的, 怎也要拍個照才ko它~! 賣相還可以吧?! XD

LC開倉前 之 盤點

一年兩度的LC開倉在即, 近期這個煮婦界名牌愈流行, 它們加價也愈頻密! 開倉應是最抵買的入貨時刻, 所以今年開倉, 小草估計比以往更多人!!

點算家中敗物, 小草好像要買的都買了(真的嗎?!)...

家中沒有黑洞廚房, 也沒有洗不完的$$... 但開倉嘛, 還是會找天去湊個熱鬧的~~ ^^

開倉前翻出未曾拍照的LC, 提醒自己, 我已夠用了~~

雖然比起很多LC迷, 我的根本不值一提!! 但我還是很滿足於我所擁有的!

大花花碟分別購自去年11月的Sogo Thankful week, 今年3月開倉, 以及韓國~ 而大黃花即是用powder pink花跟人換回來的~~

漸變色大花都儲得差不多~~望著這5隻都已很滿足!

第一隻Trivet於去年9月開倉買下, 是深藍色的, 期後轉讓給陳家姐~

因在今年3月開倉時, 入了一隻blanc white, 4月又在日本買了chiffon pink的buffet + trivet set~















最後更加入購自美國的soleil!

 

有這3個小草喜歡的絕色trivet, 收手不再買trivet了~~ ^^

在沒有特定目標的情況下, 且看我今年會敗什麼回來?! 

(還是得以力保不失, 什麼也不敗?! XD)

BTW, 如果看罷此post令大家中毒, 小草恕不負責~ XXDDD

  

大愛~! Chiffon Pink Trivet + Buffet~~~

俗語有云「斬手指戒賭」, 如果小草要戒買LC, 可能斬埋腳趾都戒不了~

什麼節制啊, 忍手啊, 都只是言猶在耳~ 這一舖越洋買LC, 一次的$$抵得住開倉有餘餘餘餘餘...

都怪日本LC真的太太太毒了耶~!

也怪小草想象力豐富, 就在LC出chiffon pink與coastal blue trivet之前, 也想過, 既然煲煲都可以有粉紅粉藍的, 為什麼trivet不可以?!

就在小草胡思亂想後的第二天, 戰友們便whatsapp來照片一張~~~

教人尖叫的照片!!! Chiffon Pink & Coastal Blue Trivet!!

想一想就成真, 又不見得我會中六合彩......

Anyway, 就為了把「想一想就有」的想法實現, 小草開始和粉紅控戰友(自己對號入座啦, 妳應當之無愧吧~~ XD)盤算如何把它們弄到手~ 奇怪是其他戰友們都相對地冷靜, 只有我倆在發癲~~

本來小草是十五十六找代購的... 當然, 還十五十六好不好洗這一舊錢... 又十五十六是不是要為了一個trivet而買一整set... 更加十五十六好不好連coastal blue那套都買回來...

不是說笑, 那幾晚都睡得不好...

就在十五十六睡不好之際, 夜麻麻上面書竟發現好友正出發往東京!!! 趕緊厚著面皮硬著頭皮提出這個不呈之請~~~~

5kg的一堆鐵, 誰會這麼傻幫你捧回來?! 但小草這位傻呼呼的朋友, 就真是自己爆喼也為小草hand carry這包「米」回來, 大大大感動 + 十萬個感激~~~~~

一齊來開箱!!

在回家途上已忍不住拍照whatsapp給戰友們~~

日本貨還是跟其他國家的有少許分別的(先不說近來日本的LC的QC做得很差啦...)~ 一打開盒子便很有「禮物」的感覺~~
隨煲附送食譜小冊子~ 雖看不懂日文, 但照片都拍得美美的, 翻看時絕對是嘗心樂事~

看這套超美的buffet + trivet set~~~

本來想過將buffet轉手(因為目標始終是trivet), 但見過實物, 加上好友充滿汗水的托回來, 再加上小草沒有buffet, 所以, 我是怎也不會轉手啦~~~ 雖然顏色跟16小煲重覆了~~

本文亮點, chiffon pink trivet!!

就算是其他色的trivet, 也已美得像藝術品~ 何況是粉紅的!! 不是粉紅控的小草也抵擋不了~~~~~

整套來個合照吧~ 拍攝角度不太好呢... 但相信大家都不會在乎, 角度不是重點~~

跟深藍與雪白trivet來個合照~~ 原來3個trivet放一起是好fit的!!

希望有朝一日深藍trivet都變成coastal blue的~~ 小草的trivet大業就成了~~ (其實本身也沒打算特別儲trivet啊~~~)

最後, 送上另一幀毒照~

Cap from 日本LC官網~~

真係話口未完又放毒!!

Chiffon pink花花, 好可愛好美呢~~~~ 幸好, 小草已有心愛的小黃花煲, 成功免疫~~~

但不知何時做了毒后的小草, 又成功毒了一位親愛的blogger(又是自己對號入座啦~~)入手粉花花... 呵呵呵~~~